रविवार 25 फेब्रुवारी 2024 रोजी, अखिल गोमंतक क्षत्रिय मराठा समाज संघटनेची वार्षिक सभा (AGM) पोर्वरी येथील मराठा संकुल येथे श्री सुहास फळ देसाई यांच्या अध्यक्षतेखाली झाली. या बैठकीत समाजाच्या कल्याणासाठी अनेक महत्त्वाचे ठराव मंजूर करण्यात आले.

ठरावांपैकी एक म्हणजे समाज संकुलाचे बांधकाम पूर्ण करणे, जे आपल्या समाज कल्याण कार्यांसाठी केंद्र म्हणून भविष्यात काम करेल. संघटनेचा समुदायातील सहभाग वाढवण्यासाठी तालुका स्तरावर सदस्यत्व मोहीम सुरू करण्याचाही ठराव मंजूर झाला.

तथापि, बैठकीतील चर्चेचा आणखी एक विषय म्हणजे नुकताच सेंट जोस डी एरियल येथील छत्रपती शिवाजी महाराज पुतळ्याच्या अनावरणप्रसंगी माननीय मंत्री सुभाष फळ देसाई यांच्यावर झालेला हल्ला. अखिल गोमंतक क्षत्रिय मराठा समाजाच्या सदस्यांनी या हल्ल्याचा आणि समाज संघटनेचे माजी सचिव आणि समाजकल्याण मंत्री यांच्यावर झालेल्या चिखलफेकीचा तीव्र निषेध केला. समाजबांधव समाजकल्याण मंत्री सुभाष फळ देसाई यांच्या पाठीशी असून, अखिल गोमंतक क्षत्रिय मराठा समाज अशा प्रकारची हिंसक कृत्ये खपवून घेणार नाही, असे सदस्यांनी स्पष्ट केले.

मराठा समाजाचे आराध्य दैवत छत्रपती शिवाजी महाराज यांचा कुठल्याही प्रकारचा अवमान खपवून घेणार नाही, असेही समाजाने ठणकावून सांगितले.
गोव्यातील एक जबाबदार संस्था या नात्याने समुदायाची भरभराट होण्यासाठी शांततापूर्ण आणि रचनात्मक वातावरणाला प्रोत्साहन देण्याचे आमचे प्रयत्न असेल. 2022-2023 चा लेखापरीक्षित अहवालाला आणि 2024-2025 या कालावधीतील अर्थसंकल्पाला बैठकीत मान्यता देण्यात आली. 2023-2024 या कालावधीसाठी परीक्षण करण्यासाठी लेखा परीक्षकाची नियुक्ती करण्यात आली आहे अशी केंद्रीय कार्यकारिणी समितीने माहिती दिली.
अखिल गोमंतक क्षत्रिय मराठा समाज समाजाच्या कल्याणासाठी कटिबद्ध आहे.